سوالف الشباب في الباص!!

سوالف الشباب في الباص!!

هااذي سوالف وانواع الشباب في الباااص


عشاق الكورة

نفر (1) :: يا خووك احلى شي عاد لين الهلال يتصدر الدوري
نفر (2) :: ايه عاد شفت ياسر والله عاد من زينة البنات متهبلين عليه منزينه عاد>>>>>>>ياشين الغيرة
نفر (3) :: روحووو مناك .. بيجيكم الشبح المدريدي بينثـر هاليهال
نفر (1) :: روح روح .. مدريدك ذيله الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب

المغازلجـيـه

نفر (1) :: اااخ يا الحبيب شفتهااا .. هذي قاعده جنب الباب
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي الاعماء>>>>>>>توك تدري.. اللي عباتها الخفاش ..
نفر (2) :: هيه هذي كشخه ياخي بس يقولون ما تعطي ويـه
نفر (1) :: ما عليك منها .. بتطيح بتطيح ..

عاد الاخو ايجيب تاريخ اهلها واجدادها على اساس ان انا اعرفها ترى !


المطينزجـيـه ( راعيين المطنزه )

نفر (1) ::شووف شووف .. هذي ام عباة راس صدقني بطيح
نفر (2) :: شدراك انها بطيح ؟! الا اذا عينك فـرن
نفر (1) :: يااله بتشووف احين

" البنت بتنزل من الباص "

نفر (1) :: حجيييييييييه عبااتك>>>>>>>حجية بعينك

طــــــــم طـــرااااخ ( طيحه على الوجه )

نفر (1) & (2) :: هههههههههه
وتقعد تسب فيهم ووهم للحين يضحكون عليها



عشاق الكتب ( ما يشيل راسه من الكتاب ساعه )

نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: اوكي ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييجهم االسواق ويقولهم يلاااا فكوني بروح بيتنا


صبيان على غير العاده " هم في حالهم"

نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد


عشاق البتـه و الاونو

نفر (1) :: العـــــب خل اكسر راسك .. تقط لي ثنتين الكلفس
نفر (2) :: عشان اتيجيك الاكـلـه العدلـه ( يلعبون كوت )
نفر (1) :: يا عمـــي .. بنشوف ترى الجوكـر جايك جايك
نفر (3) :: العب العب حبيبي يقولك جوكر ما عليك منه زين

والصراخ ينسمع السواق.. ولا كانه احد جمبهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب


عشاق الاغانـي والطقطقه

نفر (1) :: يا مونيتي يا سناااا خاطــــررري وانا احبك يا سلام
نفر (2) :: ياهووو .. هلا هلا روووح
نفر (1) :: ليه الجفااا .. ليه تهجرنــي وانااااا وانا وانا احبك ..
نفر (3) & (4) :: احببببك .. احبببببك يا سلاااااام حبيبي انتـه روووح

مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل !

فئة الموضـه


نفر (1) :: شفت وائل كفوري شمسوي والله عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول

هذاولي رايحين فيه وطي بالعربجة >>>>>>>ياخي مافيك ذرة رجولة

فئة البناتـيـه

نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك

تحياتي ..
bent almanama

ههههههههههههههههههههههههههه
اشوه انا مو منهم

المهم

يسلمووو بنوته ويعطيج العافيه

إج مان كتب:

يسلمو على الموضوع


وفي انتضار جديدك

الله يسلمك أخووي إج مان

ويسلموو عالمروور الحلو ..

admin كتب:

ههههههههههههههههههههههههههه
اشوه انا مو منهم

المهم

يسلمووو بنوته ويعطيج العافيه

الله يسلمك Admin

و يسلموو عالطلة الحلوة ..

يسلمون دلوعة على الموضوع الحلو..

الله يسلمج يا الغلا ..

ويسلموو عامروور الحلو ..

ههههههههههههه

مشكور سعدون

ja3far كتب:

ههههههههههههه

مشكور سعدون

أي سعدوون :shock:

المهم .. يسملوو خيي عالطلة الحلوة