هاي اول مشاركه لي
وارجو أن تحوز على إعجابكم ورضاكم ,,
هاي قصيده بالشعر النبطي .. واللي تتكلم عن التـوبه ..
ماطول عليكم :> على شان مأخرب الموضوع
التــــوبه
ســرح بي هاجسي وأفلت زمام الوقت بــدروبه
وأخذت أفكـر بمسعـاي .. روحاتـي وجياتـي
لقـيت مفارق الـدنيا رحــل ماحـاش مطلــــوبـه
وأنا أحسب إني بركضي ابقضي كل حاجاتي
وقلت أبــدى بأمـر نفسي أحاسبها ولـــو نـــوبه
عساي افلح عقب مافقت اصحح بعض غلطاتي
وأنا ما أفرق مثل غيري ، بشـــر غرقان بذنوبه
ولا فكــــــرت في بكـــره،، تسيرني ملـــــذاتي
يضيق الصـدر لا مني ذكرت الحشر وكـــروبـه
وتظـــهـر لي على شاشـة خيالي كـل سيــاتـي
وأفكـر يــوم بعث النــاس والنـــــيران مشــبوبه
عسى ربي يهـون لي هـــذاك اليــوم ، وقفاتي
ياويلـي كان با أحـاسب على كل ذنب بعقــــوبه
وأنا اللي بالدقيقة مـا أقـــدر أحصي كـل زلاتـي
الا يالله سهـل لي طــــريق الخــير وأسلـــوبه
لجل ودي من الخشية تفيض بصـدق دمعـــاتي
وأنا طـالبك تسمــح لي وتقبــل منــي التـــوبه
طمعت برحمتـك ،، وأرجـيك تقبلنـي بعـــلاتـي
الأحد 02 نوفمبر 2008, 20:30
